Ms A的部落格

早十幾日前，見班女同事圍埋一堆吱吱喳喳，我又犯八卦去八吓！原來佢哋呢一班女煙民發現以下呢一個漂白牙齒產品效果非常「正」，一個又介紹一個去買。

通常漂白牙齒是可以去牙科醫生到做雷射漂白，但价錢昂貴(大約200-300美元)，

我見到呢班煙民Ｄ牙又真係白咗好多，加上Karen亦致電問過牙醫這牌子是不会令牙肉敏感(佢Ｄ牙全都補完又補兼過敏)。她們買完一盒又一盒來用。自己日日飲茶飲咖啡都心思思想試吓可唔可以令自己的牙齒白些，靚些呀！

但成$39.99一盒又覺幾貴! 於是又上網揾吓有冇coupon可以平番一兩蚊啦。 嘻！皇天不負有心人，竟然在它們的網站上揾到$7coupon！再加上葯房做特价只售$30.00一盒！哇！一早撲去買啦！

Karen 向我教路，雖然說明書上說一天要用兩塊～每次貼上半个鐘﹔但只要每晚擦完牙貼上一塊並睡過夜，效果亦是一樣但可以慳一半喎！又學到嘢啦！

我的晚餐﹕

這款九層塔云耳豆腐卜粉絲是用卡夫芝麻醬炆煮＋XO醬日本菇絲瓜炒雞柳＋白酒同白反，呢餐正常Ｄ啦！

P.S. 不經不覺這篇是我第三百篇網誌！很感謝大家收看這個老人家的囉哩囉唆