鄧李兩人在2002年相識，2004年生下一子。鄧X事業發達，有「鞋王」之稱。黃X發是2006年的香港先生「瀟灑組」的冠軍，在參選香港先生前在法國長大及讀書。
首先第一者在分手后想拎番層樓? 唉，送咗被人嘅嘢，又點可以收番呢？你輸唔起点出嚟包二奶呀？雖知天理循環、報應不爽! 剃人頭者﹐人亦剃其頭~咁大個人唔該為自己所做的事負下責任啦～‧ 不論什么理由，人哋跟咗你咁耐又有個小朋友，亦好應該附出一些花紅吧！有冇同你講心的女人肯做三奶呀？梗係同你講錢！而且無名無份跟你又唔知幾時俾你飛？！鄧生你所欠缺的是氣量，况且你用錢買人時間、青春，她從你身上亦學會同樣的東西並照辦煮碗吧了，你又駛唔駛要佢交返D學費被你呀？仲喺傑出華人呢！真好笑！
同樣係包養，你睇大劉幾疏爽！好既時候當然送好多俾那些女朋友，就算關係完結咗﹔只要有需要都會幫忙，個個都係好來好去呀！
第二者是他的正印太太，先生出外尋歡作樂，她亦能大方得體（可能喺冇眼睇）見到老公近期天天上報，親朋好友的閒言閒語一定不少（或者她亦在幸災樂禍)她的耐力真是精神可嘉！佩服！（希望她是守得云開見月明﹔可能老公会多咗返嚟妳度飲湯呢！）
第三者是二奶﹔个cheap佬肯定要妳簽多份協議賣身契﹔清清楚楚要妳小心做人！
主角是三奶﹕我是非當欽佩妳啦！敢作敢為，敢愛敢恨，敢做敢認！仲敢送傑出華人一頂綠油油的帽子！最重要的是懂得用錢買回一段失落的忘年愛情並陶醉其中，真了不起！佩服佩服!
三奶的情人﹕他是一個浪漫的法國年青男孩/鴨，對他而言，識个中年寂寞少婦做女友是very cool！美國的男孩子是這樣認為的，我想他也是一樣。
我在其他網站中看到一些心理測驗，例如：你適宜做第三者嗎？
哈! 我得的結論是天生的第三者﹕愛情對你來說不過是一場遊戲,"不在乎天長久只在乎曾經擁有"是你的座右銘,玩玩就算的心態令你能無視情敵的存在而能好好享受這段關係。
我做第三者的話﹔一定會非常成功﹔因為我是一個懶人，懶得同人爭所以一定無視情敵的存在 ，一切順其自然。不過我會要求男方要如方中信般吸引有型，學問好似楊振寧~~若然真係被我碰上，而對方又對我有好感的話
.....我真係會好好Enjoy！
哈哈哈！
(又在吹水兼發夢) (嘻嘻！今日心情好兼自己Blog嘛！當然要語無倫次，胡言亂語一番啦！)
我見到一些人在做完這個心理測驗后comment 什么又老又無錢 等等，我就覺得好好笑~ 喂，這測驗是: 你適宜做第三者嗎？唔係你是否適宜包二奶呀！究竟吹乜呀! 
又一位仲攪笑，仲要想埋悽慘的東窗事發下的後果，甚麼八無中坑無里無頭無理論
真是一個吹埋理性嘅好男人！(喂！若某某人在此看到什么什么請不要估估吓啦，而是真係話你呀! 哈哈！
)
留言列表
